|
11.9.2010 vs. Bolton Úrvalsdeildin Emirates Stadium
28.8.2010 vs. Blackburn Úrvalsdeildin, Ewood Park 2-1 Walcott(20), Arshavin(51)
|
Undirbúningstímabilið hefst með sigri 17.7.2010
Fyrsti leikur undirbúningstímabilsins fór fram í dag og endaði með 4-0 sigri Arsenal í hinum árlega leik gegn Barnet. Andrey Arshavin og Samir Nasri skoruðu sitt markið hvor og Jay Simpson var tvívegis á skotskónum. Í leikmannahópi Arsenal í dag mátti sjá marga sterka leikmenn þrátt fyrir að þáttakendur á HM mæti ekki til æfinga fyrr en seinna í mánuðinum. Athyglin beindist þó óneitanlega helst að nýju leikmönnunum, þeim Marouane Chamakh og Laurent Koscielny sem léku hvor sinn hálfleikinn. Eins og við mátti búast réðu Arsenal menn ferðinni í gegnum leikinn og það tók Arshavin aðeins rúmar 90 sekúndur að skora fyrsta mark leiksins eftir samleik við Rosicky. Jay Simpson bætti öðru markinu við á 16 mínútu eftir undirbúning frá Jack Wilshere sem sýndi oft á tíðum lipra spretti í leiknum. Þeir félagar Wilshere og Simpson voru síðan aftur á ferðinni stuttu fyrir leikhlé en þá fékk Wilshere boltann frá Arshavin og smellti honum fyrir markið þar sem Simpson afgreiddi hann í netið. Öllum 11 leikmönnunum var skipt af velli í leikhléi og meðal þeirra leikmanna sem komu inná fyrir seinni hálfleikinn var Marouane Chamakh. Arsenal menn höfðu hægar um sig í seinni hálfleiknum og sköpuðu sér lítið af færum. Samir Nasri tókst þó að skora 4. mark leiksins á 75. mínútu eftir mistök í vörn Barnet. Eftir þetta fjaraði leikurinn út og lauk með 4-0 sigri gestanna frá London. Lið Arsenal í dag: Fabianski (Mannone '46(Szczesny '68)) Næsti leikur fer fram eftir 4 daga, þann 21. júlí, en þá mæta okkar menn til Austurríkis og mæta Sturm Graz.
- Gunnar Atli
Komment į frétt:
Kommentašu į fréttina hér:
|
|
2009 Kristjįn Geir
webmaster (at) arsenal.is